నేను స్ప్రైట్ తాగను

నేను స్ప్రైట్ తాగను

సుత్తి లేకుండా
సూటిగా ఏది చెప్పను

నేను కవిని
భావకుడిని
నా పొడుపు కధలు విప్పండి

అందమైన అక్షరాల వెనుక 
అర్దంకాని పదర్ధాన్నెదో దాస్తాను
మీరు గూఢచారిలా
అందులొ నిఘూడంగా నిక్షిప్తమైన
నిధిని వెతికి పట్టుకోవాలి


నేను కవిని
అనుభవీకుడిని

అనుభూతులని అద్భుతంగా మధించి 
అమ్రుతంలో గరళాన్ని
అలవోకగా కలగలిపి
మిమ్మల్ని మెప్పించగలను
మీ కళ్ళను చిప్పించగలను
అందుకొసం ఙ్నాపకాల గునపాలతో
గుండె తవ్వుతూనె వుంటాను


నేను కవిని
ప్రాస రవిని
వికట కవిని

చెట్టు మీది పిట్ట వేసిన
రెట్టలో నానిన రొట్టెను 
బండ మీద తొండతొ 
తినిపించగలను
నా మక తిక మాటలతో
మిమ్మల్ని తికమక పెట్టగలను


నేను కవిని
అనుపమానాలతొ
ఆసనాలు వేయించ గలను

కళ్ళ సంద్రంలో అలలను
పెదాల పడవలపై
చిరునవ్వుల చుక్కానితో 
దాట గలను

నేను కవిని
శాస్త్ర విద్యాకొవిదిడిని

నిఘంటువులు తెచ్చుకొండి
నా సంస్క్రుత సంపాటవంతో
సరలమైన సంగతులను
సంక్లిష్ట శ్లొకాలు చెయ్యగలను


నేను కవిని 
ఆధునీకుడిని

అబ్స్ట్రాక్టిజమ్తో
ఎక్స్పెరిమెంట్లతొ
వైవిద్యత పేరుతొ
వెర్రి వెంగల్లప్పలను చెయ్యగలను
నా మాస్టర్ పీస్ నీకు అబ్జార్బ్ కాలేదా
నీకు మ్యచురిటి డెప్త్ లేనట్టె

మేమెవ్వరము స్ప్రైట్ తాగము

సుత్తి లేకుండా
సూటిగా ఏది చెప్పము